Braçe për Ridvan Boden: Kandidat, vlerësimin e bën Komisioni

Propozimi i Ridvan Bodes nga qeveria për anëtarë të Këshillit Mbikqyrës së Bankës së Shqipërisë pritet të kalojë përmes një debati mes deputetëve të Partisë Socialiste.

Kryetari i Komisionit të Ekonomisë, Erjon Braçe, shprehet se bëhet fjalë ende për një propozim.

Erjon Braçe: Gjthësecili që vjen në Komisionin e Ekonomisë dhe në Kuvend është kandidat. Nëse jeni mësuar me faktin që ai që propozohet u bë, e keni gabim. Në këtë Komision ka ndodhur që janë rrëzuar mbi 20 kandidatura në grup, njëri pas tjetrit individualisht për institucione të rëndësishme. Vlerësim për asnjë individ unë nuk kam, vlerësimin e bën Komisioni.

Në Kuvend janë 15 emra të tjerë kanë kaluar në procesin e interpelancës.

Por ngërçi qëndron në faktin se deri më tani asnjë nuk ka marrë 28 firmat e nevojshme të deputetëve për të kaluar në votim.

E për këtë Braçe kërkon përshpejtimin e procedurave.

Erjon Braçe: Deputetët të jenë të përgjegjshëm, qofshin këta të pozitës dhe të opozitës, pavarësisht pozicionit që kanë marrë përkundrejt Kuvendit që të bëjnë propozime sa më parë të jetë e mundur.Bëhet fjalë për Këshillin Mbikqyrës të Bankës së Shqipërisë, i cili në rang nuk është Këshilli Mbikqyrës i një Bordi Kullimi.

Këshilli Mbikqyrës i Bankës së Shqipërisë është në ngërç pasi nuk ka kourum për të marrë vendime, ndërsa dy mbledhjet e fundit nuk janë realizuar.

Kryeministria tashmë ka propozuar tre kandidatë, ndërsa duhet që edhe Kuvendi të përzgjedhë tre të tjerë.

*

*

Top
Facebook Auto Publish Powered By : XYZScripts.com