Minatorët protestë para Kryeministrisë: Të miratohet statusi, ose s’ka vota për Ramën

Minatorët nga gjithë vendi dolën sërish në protestë përpara Kryeministrisë. Statusi i tyre ishte kërkesa e panegociueshme për të cilën thanë se nuk do i japin vota Edi Ramës nëse nuk miratohet. Ndërsa kreu i Sindikatës së Punonjësve të Industrisë Taf Koleci iu kërkoi minatorëve të mos krijojnë përçarje, pasi janë në negociata me qeverinë.

Kërkesa për miratimin e  statusit nxori sërish minatorët në protestë. Të vendosur përpara kryeministrisë minatorët kërcënuan kryeministrit se nuk do i japin votën në zgjedhjet e Qershorit 2019.

“Jemi 200 mijë votues dhe 200 mijë vota do t’i kesh mangut në pushtetin lokal dhe në pushtetin qendror”, tha një minator.

“Është një e drejtë e jona që na është mohuar në të gjitha kohët. Nëse nuk e miraton do të ketë një humbje që nuk do të marrë vësh”, tha një tjetër minator.

Ndërsa kreu i Sindikatës së Punonjësve të Industrisë Taf Koleci kërkoi që minatorët të mos krijojnë përçarje, pasi janë në negociata me qeverinë.

Koleci: Nuk do të lejojmë asnjë person që të shkelë rregullat dhe që të dalë në protestë përpara që zyra qeveritare,  grupe të caktuara që nuk kanë interes me sindikatat.

Minatorët thanë se nëse statusi i tyre nuk miratohet ata do të protestojnë sërish më 22 shkurt.

*

*

Top
Facebook Auto Publish Powered By : XYZScripts.com