Ora News siguron kërkesën – PD e LSI bashkë, kërkojnë përjashtimin e Ramës. Ofendoi Berishën

PD e LSI bëhen bashkë dhe kërkojnë përjashtimin e kryeministrit Edi Rama me 10 ditë nga parlamenti.

Ora News siguron dokumentin i cili është firmosur dhe LSI Petrit Vasili, kreu i grupit parlamentar të LSI si dhe nga kreu i PR-së, Fatmir Mediu.

Ora News zbardh kërkesën e firmosur nga 9 deputetë 

“Gjatë zhvillimit të punimeve të seancës së sotme, sikurse keni qenë dëshmitarë, kryeministri Edi Rama, në mënyrë të përsëritur ofendoi deputetin Sali Berisha me fjalor vulgar e të papranueshëm. Sjellje të tilla kryeministri ka demonstruar në mënyrë të vazhdueshme në seancat e Kuvendit, por për fat të keq nuk janë marrë masa. Përsa më sipër bazuar në rregulloren e funksionimit të Kuvendit të Shqipërisë, në emër të grupeve parlamentare PD, LSI e PR kërkojmë përjashtimin e kryeministrit Edi Rama nga seanca”

PD e mbyllur ne Kuvend
Ora 12:10  
Grupi parlamentar i Partisë Demokratike ndodhet në sallën e Kuvendit dhe gazetari i Ora News, Everest Dedaj informon se ata po mbledhin firmat për t’i kërkuar Byrosë së Parlamentit përjashtimin e kryeministrit Edi Rama me 10 ditë.

Sipas PD-së, Rama ka përdorur fjalë ofenduese ndaj Grupit PD por edhe ndaj ish kryeministrit Sali Berisha.

Gazetari Dedaj informon se deputetët demokratë nuk dihet nëse do të qëndrojnë në sallën e Kuvendit deri në orën 17:00 apo do të dalin, por nëse do të dalin atëherë do të ishte e pamundur futja e Flamur Nokës sërish në seancë

*

*

Top
Facebook Auto Publish Powered By : XYZScripts.com